لاتگولين الودآع (وليدة اللحظه)

السلام عليكم .,

ابيات خرجت كما باح بها القلب قبل اليد واللسان ., تقبلوها كما هي .!

ليش هيج يصير بيه
والحزن لايگ عليه
اني منج وانتي مني
ثنينا بالحب سويه

ليش تبخل بالحنان
اني محتاج الامان
اني احبج من زمان
وانتي ماگلتي خطيه

كافي اني تعذبت
وبحنانج ماشفت
بس يمحبوبي متت
شلون تقبل بالاذيه

ضاعت سنيني الجميله
ومابقت باليد حيله
الغايه انتي والوسيله
رجعي ايامي الصبيه

راح احجي وافهميني
انتي عمري انتي عيني
وكل ايامي وسنيني
فدوه لعيونج هديه

لاتگولين الوداع
ثنينا يصيبنا الضياع
اني حضرت المتاع
لان صابتني المنيه
سوالم .!