يابعد كل الرسايل هالرساله :$

صباحكم ورد احمـر .

يابعد كل الرسايل هالرساله :$ 3220630500_7a3ac16a38

يابعد كل الرسايل هالرساله
توّها ماكملت عـمـر الطفوله

طفلةٍ فيها العطر ياطول باله
وده ايفوح..ويبوح وهي خجوله

مثل طبع اللي كتبها من دلاله
في مسافات الزمن واربع فصوله

دالهٍ لاجيت اشوفه..شاف حاله
ماتهيـّـا منـْـه لو نظره عجوله

صار عندي راس مال وراس ماله
ضحكةٍ معها عقلْ بس امهبوله

لاضحك في مسمعي كني قباله
كني اقطف ورده وعقده ولوله

واحبس ابعيني خيالٍ من جماله
وارفع لسمعي يديْ كني بـ اطوله

وارسم لزوله شكلْ يشبه خياله
في خيالي والا اناماشفت زوله

كلما حرّمْته .. القاني حلاله
وكلما عنـْـه ابتعد قرّبت أنوله

كنت افكر مره القى لي بداله
دام وصله صعب والاصعب وصوله

قلت:يالله نفترق..كلن وفاله
قال:يالله.قلت:لحظه!من يقوله؟

أطري الفرقا وأنا مامن صماله
وأدري انْ فرقاه ماهيب بهالسهوله

كم عذولٍ قد عذلني في وصاله
ومن عذلني قلت له نفس المقوله

مايخلـّـي حاله الرجال حاله
غير بنتٍ في مواقفها رجوله

،,وسلامتكم,

مما راق لي

تحيتي:دلع الصبايا