ولك خل نأتلف آني وياك
آني بشوك روحي وأنته بالعندكـ
ونأسس تحالف بالجسد والروح
ونحلف بالعشك تسعدنه ونسعدكـ
ونشكل كتله وحده ومانظلّ أثنين
ولايتميزن زنديني من زندكـ
وأفتحلك حزب من قبل مامفتوح
وأَكَعدَك عالعرش وآني أكعد بسدكـ
ونمارسها السياسه بمختلف الاوضاع
و وضع المايعجبك شطبه من عندكـ
وحزب حبنه الموحد يصبح العنوان
شعاره العشك حق وأهدافه شمّ وردكـ
ونشيده الوطني (زيديني عشقاً)كون
يصبح،والعلم أبيض مثل جلدكـ
بس نكتب عليه(الله ما أحلاك)
وأنحط نجمات تشبه شامه البخدكـ
ونكوّن دوله أبدمابيهه كل حرمان
ولابيهه كبت متردني ماردكـ
ونسن دستورنه وفقراته بس ومضات
أصوغنهن شعر من شفتك وخدكـ
وأحلف ما أخالف حرف بالدستور
وأقسم بالشفايف حبي إلك وحدكـ
الرئاسات الثلاثه بأمرك وبيديكـ
ميزيدن شرف ، شرّفني أظل عندكـ
ديمقراطي آني وأنت تكنوقراط
يعني الراي ألي ، والحكم في يدكـ
بوزارات السياده محلل وماهوب
أوقعلك ، وأبد لتفكر أضطهدكـ
بس منصب سيادي واحد أطمع بيه
وزير بداخليتك وأستلم نهدكـ

منقوووووول