السلام عليكم ورحمة الله
طابت أوقاتكم بالشِعر ..
*
*
*
*
*
بصْدِقِك بحكاي وإحساسي غزير
مـا يهم الوزن .. و لاّ القافيه
طبعك اللي من عشقتك صار غير
أثبت إن رحمة شعورك غـافيه
يومي بقلبك شعرت إنه صغير
بارد احساسك ويدينك دافيه
لين رِحت وفجّر غيابي (غدير
من مشاعر) في حضوري طافيه
لا تعاتب وأنت فِشعوري خبير
قلت فارقني، بـ نيّة صافيه
أدري إن الشوق ذبَّاح وعسير
لكـن أعذاري سمان ..وكافيه
-لذَة وصالك تخالط طعِم كير
-ضيقتي ويّاك \ عقبك ضافيه
-راحتي فبُعدك [ولوّ ماني بخير،
لأنها عيوني .. لزولك وافيه]
ولو ترّفعنا عن الذنب الكبير
تبطي جروحي مهي متشافيه
حتى لو يرضى عليّ صوت الضمير
(جاتِك أشواقي جياع وحافيه !)
باطلبك حاجة عساها مو كثير:
اعتق إحساسي يا مال العافيه
تحياتي للكل
الْمَشِارَكِات
موضوع: بـارِد إحسـاسِك!! 
الجمعة سبتمبر 23, 2011 12:05 am
