ضاقت الدنيا و لا عندي كلام

السلام عليكم ورحمة الله تعالى وبركاته

صباح الخير

*

*

*

ما عليك إن طحت ياحظي ملام
وان بغيت ألوم..قلي من ألوم

ضاقت الدنيا و لا عندي كلام

يا هي صعبه ضيقة الشخص الكتوم

من يلوم ان صار باحساسه زحام
و السهر عيا عن احزانه يقوم

ضايع ٍ وسط الهواجس و الظلام
في عيونه ياااه يا كثر الهموم

رغم انه عااش من فوق الغمام
بس ما يطمح بما دون النجوم

حط ّ له بين البشر قدر و مقام
وين ما وجــّـه عزيز ٍ و امحشوم

من تنكـّـر صد ّ عنــّـه باحترام
و اللي وافي شايله فوق الغيوم

ما نثر دمعه على صــدّه غراام
و لا وقف في سوق خلاّنه يسوم

لو زعل صد ّ و نسى كل الخصاام
ما يفااااارق صاحبه لو هو جزوم

مؤمن ان الغدر في شرعه حرااام
ومن غدَر به يبتعد عنه ْ و يشوم

و انت يا قلبي اصحــّـيك و تنام
ودي تصحى بس ابي تصحالي دوم

قلت لك لا تطمح براس النعام
و لا تطب ّ اليم ّدامك ما تعوم

و لا تضيم الحي ّو حيــّـك ما يضام
و ان خذوا لك حق لا تشكي و تلوم

العطا يبيــّـن على وجيه الكرام
لا تظن الطيــب ينفع بالرخوم

اتمنى تعجبكم

شكرا لك أخي الكريم .. حلم الجزائر على الشعر الرائع و مميز

اتمنى لك التوفيق ,,

» أحلى كلام بين الحبايب ~» احلى كلام في الحب» كلام العاشقين عن الحب» كلام رومانسي عن الحب للعشاق وللحبيب» انما الدنيا دارممر.....

ضاقت الدنيا و لا عندي كلام

ضاقت الدنيا و لا عندي كلام

مواضيع مماثلة

مواضيع مماثلة