أبيات وصلتني عبر البلاك بيري
أعجبتني كثيراً وللآسف لا أعلم شاعرها
وأحببت مشاركتكم به
يا ضميري .. لو تخون إبك الظروف
......هذي الدنيا .. وهذا حالها
دام راسي حيَ , والجهد مخلوف
ما علي َ .. لو بيتصافق جالها
ذا يصد , و ذا يرد , وذا يشوف
والكبود , يسلَها .. سلالها .!
أرزمت وسط السما ذيك القنوف
و أحيَت القيعان , من همَالها
والضيوف أنواع , وأنواع الضيوف
....... اللبيب , يفك عقد حبالها
نذبح القعدان , من حظ الخروف .!
....والحمول الكايده , نشتالها
و حاشم ٍ يمناي , من بعض الكفوف
يوم نفسي .. عارف ٍ منزالها
وكان صمتي ساد , في بعض الحروف
حشمـة العـقَال , يا جهَالهـا
ولا شغلت البال , والشك إمحذوف
وخابرين أفعالنا .. وافعالها
عاقل ٍ ينطق .. بحكمة فيلسوف
و يوزن الكلمه , ليامن قالها
وكلمة ٍ طافت .. وهي صعبه تطوف .!
لا تحسب إني .. جهلت احوالها
غير نعطي , للمساكين الضعوف .!
حيلة ٍ , عل و عسى .. تحتالها
ولا ثنينا الساق , من طول الوقوف
ولا بغينا حاجة ٍ .. نسعى لها .!
ولا دخل ب/ صدورنا .. حقد ٍ و خوف .!
.........ولا حسبنا , دقَها وجلالها
غن يا راس ٍ , على العليا شغوف
والعظايم ما (خِلقت) , إلا لها
الْمَشِارَكِات
موضوع: ياضميري لو تخون إبك الظروف 
السبت سبتمبر 17, 2011 11:02 pm
