ياصاحبي مفهوم هرجك ومعناك
لو كان في هرجك كلام المحبين
لو الفلس والطين هذا وهذاك
تجمعت يا صاح صارت فلسطين
حلو الكلام الي يداعب شفاياك
احسه بقلبي طعون وسكاكين
مدامها تخالف علومك نواياك
ماعاد لك في القلب قيمه وتثمين
تدرين ماني جاهل في سواياك
وفي طيبتي ومعامل الناس تدرين
رجل ولي عقل وموازين تاقاك
ماهي كذا بمعاصر الفكر تخمين
واصلاً بليا عقل يحكم خلاياك
والله ماتدخل عقول المجانين
يعني احبك واعشقك وايضاً اهواك
كلمات قلتيها برقه وبعدين
هذا كلام الحب وهذي عطاياك
وهذي عقول الناس وفيها موازين
والله لو فكرت فيني وما جاك
لتحاسب انفاسك عيونك وتبكين
رسمتلك باب ومراكي وشباك
في قلبي الي ماعشق كود ثنتين
امي وهذي بالمراتب تعداك
وانتي بعد كنتي بقلبي وتسوين
يا بنت بغفرلك وسيلة خطاياك
ونصيحتي في الحب لاعاد تخطين
الله يرحم والدك يوم رباك
طيب علامك .. / ماتقولين امين
عساه من شر المخاليق ياقاك
ايوه كذا .. / توجهيله بكفين
الله معك من وقفتك لين ممشاك
اكتملت اللوحه خطوط وتلاوين
منقول ..!!
الْمَشِارَكِات
الْعُمْر
موضوع: !!-الفلس والطين ممكن فلسطين-!! 
السبت ديسمبر 10, 2011 12:04 am