من زمان وقلبي أنعم من جناحين الفراشة
من زمان و خافقي حساس صادق في شعوره
من زمان وكل جسمي لى طرت فرقا إرتعاشة
ما دريت إن القدر في دنيتي سطر سطوره
من زمان أعيش عالم مستحيل إنسان عاشه
عالم ماغير روحي في البشر تقدر تزوره
من زمان الحب الأول يوم يملكني أنتعاشة
يوم نرسم في ابتدائي منظرالحقل وزهوره
يوم نلعب يا حياتي في المطر بأول رشاشة
ونتسابق نجمع حبوب البرد بأول ظهوره
من زمنها حبك بقلبي معشش في عشاشه
إن صحيت أشوف وجهك وإن غفيت أحي بنوره
وجهك الشي الوحيد اللي يبشر بالبشاشة
ما سوى وجهك نهار ولا بعد رمشك خطورة
دمعتك تحمل لقلبي طاري الموت وفراشة
والحبيب اللي خذاه الموت في لحظة حضوره
لونطق قلبي بكلمة صدقيني يقول (عاشة)
ولو فتحتي جفن عيني شفتي لحضرتك صورة
صدقيني قلبي أنعم من جناحين الفراشة
يا أول أحلى حب عشته وأخر الحب وشعوره
منقول ..!!
الْمَشِارَكِات
الْعُمْر
موضوع: !!-جناح الفراشة-!! 
السبت ديسمبر 10, 2011 12:04 am