حـلّـي يــا حــلاوه حـلّــي !

سلام عليكم

قصيده للشاعر : سداح

أعـذرونــي عـــن غـيــاب ٍ زلّـتــه مـدمـوحـه وأسمحوا لي ليـن أراجـع سيرتـي وسجلّـي

غـبـت كـلـيّ والـدوافــع كـلّـهـا مـشـروحـه أفتحـوا كشـف الحضـور وسجلّـونـي كـلّـي

هـكـذا طـعـم المـحـبّـه .. حـلــوه وممـلـوحـه وهكـذا الفـرقـا ممـلّـه .. والـوصـال مسـلّـي

العـلـم مـرفـوع يــا الـلـي ترفـعـون اللـوحـه الشـحـيـح يـصــدّ عـنــيّ والـكـريـم يـهـلّــي

دام بـاقـي فــي ضمـيـري نـافـذه مفتـوحـه عبـرهـا ينـفـذ شـعـوري لـيـن يـبــرد غـلّــي

قلبـي المجـروح مـدري كـبـدي المجـروحـه جـرّ عمـرك يـا النسـم بـيـن الضـلـوع وقـلّـي

دمعتـي تبحـث خفـاي وضحكتـي مذبـوحـه هـيّـنـه والـصـبـر طـبـعـي والقـنـاعـه دلّــــي

مـا بقـا للشعـر واهـس والهجـوس تشوحـه بيـن منـقـود الرفـيـق وبـيـن شـرهـة خـلّـي !

أنقـرض نسـل القصيـد وراح راحــت روحــه وأكـثـر الـشـعّـار ولّـــت والـزمــان مـولّــي

أنتكـس حالـه وحــال السـاحـه المسيـوحـه الحـصـن تضـبـط وتـربـط والـكـديـش تـفـلّـي

يــا معـيـن الصايـبـه والمخـطـيـه مسـمـوحـه قام يمشي مع رصيف الشمس..راكب الليّ !

جــاك وقـــت الـــذرّه المـفـتـرّه الـدرمـوحـه عقب بـاد ( المارتيـن ) وبـادت ( العصملّـي )

يـفـزع الطحـطـوح وألاّ تـفــزع الطحـطـوحـه الـدعــاوي حـطّـهـا وأشـتـالـهـا بـامـجـلّـي

كيـف صـدّرت الفـتـاوي يــا بنـاخـي تـوحـه وأنـت لا تعـرف تصـوم ولا تعـرف تصـلّـي ؟

كــلّ مــا هــبّ النسـيـم أستنـزلـت منفـوحـه والعلـيّـا يـــا مـاشــاء الله حـظّـهـا متـعـلّـي

القـضـيّـه بـيــن شـمـطـان الـلـحـا مـطـروحـه ينـقـطـع حـبــل الـنـفـاق وعـقـدتـه تـنـحـلّـي

طاوله وأربـع كراسـي وأمسيـه وأصبوحـه والله الله .. مـيـر حـلّـي يــا حــلاوه حـلّــي !