السلام عليكم ورحمة الله وبركاته

صباح الخير لكل رواد الشعبي

الشاعر ملفي بن مزيد المورقي العتيبي

وقصيدة

قالو تود


قالو تود وقلت ود ٍ يهوّل *** ما مثل ود ٍ في ضميري و لا ود
لا وقتنا الحاضر ولا الوقت الأوّل *** مافيه من وده تجاوز وراء الحد
ياكود انا وأظن ودي مطوّل *** حيثه مواريثٍ عن أباء وعن جد
أحب لي ملحاً قراها متوّل *** من شافها بالعين ما أغضى ولاصد
راع النظر لازم عليها يحوّل *** ملحاً سنادٍ زينت العنق والخد
وان ساقهاالراعي يباها تجوّل *** قامت تهوس تقول فيها ولا بد
ماكنها الا من حلال المعوّل *** سلطان والا فهد إبن محمد
يازينها قدام ابوها تشوّل *** إليا إنطلق ثعله على اللحي وإنهد
وغدى بفنيات صوته يموّل *** يجرّ موّاله ويزبد ويرعد