{ .. \\ آنآ الـمخطـي ولا تــشرهـ !!

السـلام عليكم ورحمـة الله وبركاته

تخطي وأقول .. إن أنا المخطي ولا أتشرّه !
وتخطي بعد .. وأعذرك وآقول مايـدري

وفي كل طاري .. يمر تخطي كـذا مـرّه !
وأخاف حملي يزيد .. وينكسر ظهـري !

جايز .. اكون الحليم اللـي ظهـر شـرّه
وجايز يكون الغلط مني .. وذا عـذري .

يا صاحبـي كنـت أحبـك حيـل بالمـره
ولازلت أحبـك .. ولكـن العتـب يطـري

أحيان أشوفك " بعيـد وخايـف آضـره "
وأحيان أشوفك قريب .. إرتاح في صدري

ليه أسألك عن جروح القلـب .. والحـرّه
وانت أبخص الناس في جرحي وفي حري

يا صاحبي .. لو مسك كل ٍ علـى سـرّه !
ما كان الأحباب .. سموا حبهم " عذري "

وأنا تعبـت أسحـب الأحـزان .. وآجـره
وأحفر بأثر جرتي .. قبـر يغـدي قبـري

إمـا تكـون الحبيـب اللـي قـرب مـرّه
ولا عسـى الله يقدرنـي علـى صبـري

وأنـا أحبـك .. ولا بـآعـاود الـكـرّه
حتى ولـو كبريائـك .. صـار يستجـري

مإخترتـك تـذوق حلـو بكـاي أو مـرّه
إخترتك .. تحس بأحلى شي فـي عمـري

فـلا تكابـر .. وأنـا ماعـاد بأتشـره !
وإنت وضميرك .. وفكـر قبـل لا تسـري

للشـآعر / عبدالله البكـر ,

موضوع في قمة الخيااال
طرحت فابدعت
دمت ودام عطائك
ودائما بأنتظار جديدك الشيق
لك خالص حبي وأشواقي
سلمت اناملك الذهبيه على ماخطته لنا
اعذب التحايا لك

لكـ خالص احترامي

شكرا لك أخي الكريم .. حلم الجزائر على الشعر الرائع و مميز

اتمنى لك التوفيق ,,