رعـــا الله دار عـلـيـا لـــو قـسـمـنـي حـبـهــا نـصـفـيـن رســـوم اطـلالـهــا يـشـهــد عـلـيــه الـسـبــح والــــوادي

امــر بـهـا وركــب الـدمـع واقــف بـيـن جـفـن وعـيــن واغــادرهــا وخــــدي لــــه طــريـــق وقـلــبــي الــحـــادي

سـعـوديـه الـيــا اكـتـضـت سنابـلـهـا عــلــى المـتـنـيـن سـمـعـت بـداخـلـي فــــلاح شــــوق يـصـيــح ويــنــادي

ياعـلـيـا ويـتـمـايـل خــصــر نـخـلــه وانـثـنــي سـيـفـيـن وافــيــق وتـخـتـفـي عـلـيــا وتـطـلــع صـــــورة بـــــلادي

عليها من ضلوعي سور ماهو مثل سـور الصيـن اسـاســه مـــن ولا وحـجـارتــه مــــن بـيـعــة اجــــدادي

بـــلاد(ن) مـاتـنـام الـــى عـلــى سـيــرة بـــدر وحـنـيــن وتصحى ترتوي من حوض نبع المصطفى الهادي

لـهــا فـــوق الـثـريـا عـــرش واركــانــه مـلـيــك وديــــن غضـبـهـا سـيــف ورضـاهــا رطـــب وتـرابـهـا كــــادي

انـا المعجـون فيهـا مـن قـراح المـاء وطـهـر الطـيـن وانــــا الـمـنـقـوش فــــوق جـبـالـهـا تــاريــخ مــيـــلادي

وانــا طـعــم المـصـايـف وارتـعـاشـات الـعـنـب والـتـيـن اذا طــــاب الـجـنــا بــعـــد الـعــنــا بـعــيــون حــصـــادي

وانــا صـوتـي هـديـر امواجـهـا فــي مجـمـع البحـريـن عطيت البحـر مـن ملحـي واخـذت مـن البحـر زادي

لأنـــــي عـشـتـهــا قــصـــة غـــــرام ومـلـحـمــة سـتــيــن ســروا والـلـيـل طـعـمـه مـــوت حـالــي والـقـمـر بـــادي

افـارقـهـا واحـــس بـجــوف صــــدري غـلـغـلـة سـكـيــن واعـــود لـهــا ويــصــدح بالـحـنـايـا الـبـلـبـل الــشــادي

بــلادي فــي البسيـطـه مـثـلـك الـقـالـي حبـيـبـه ويـــن وانــا سـيـف(ن) بـروقــك لمـعـتـي ورمـالــك غـمــادي

تـهــادي مـثــل طـفـلـه بـيــن ايـــادي خـــادم البـيـتـيـن ونامـي واصعـدي باحلامـك لحضـن السـمـا الـهـادي

يـكـفـيــك انــــــك بــــــلاد الـمـلــيــك مـــعـــرب الــجــديــن وخـــيــــرك مـــايــــده مـاتـنــتــهــي لــلـــرايـــح الــــغــــادي

قصيدة حمد العصيمي في الحلقه الختاميه لشاعر الملك ..