1/ واحد طلع في برج ايفل وصاحبو يستنى فيه التحت ايا طول
وهو الفوق عيطلو.. يالحسين يالحسيييييين مسمعوش جا واحد فايت قالو
بركاك من العياط هاك لا جمال ( المنظار) وشوف صاحبك بالاك راه هبط من الجهة
الاخرى

ايا فالمنظار شاف صاحبو قدام عينيه قالو : يالحسين اهبط راح الحال

2/ وحد العجوز طلبت من وحد الشاب انو يديها لإيران قالها الشاب يالحاجة يهديك ربي كيفاش نديك أنا لإيران؟

أيا كثرت عليه اديني لإيران... اديني لإيران شاف شرطي
عيطلو وقالو شوف مع العجوزة هاذي صباح ربي تحوس تروح لإيران قالها الشرطي :
الحاجة :قولي كاوكاو قاتلو العجوزة : أأأأو أأأأأأو ضحك الشرطي وقالو
أديها أديها للكيران

( الحافلات)

3/ واحد راح يشري في كبش العيد شاف خروفة نصها صوف قالو شحال قالو البائع 3 ملايين

قالو أأأأأأأأأأأأو 3 ملاين هاذي ماهيش سمينة وماهيش صغيرة فالسن ومعمرة بالصوف كيفاش تقلي 3ملايين

نطقت الخروفة وقاتلو : أسمع ماتخزرش لاطاي شوف للعقلية

4/ واحد شرى ميكرو بورطابل و أول مرة يكسب واحد ايا يخلط
فيه يخلط فيه حتى خرجلو ليكتور cd قال سبحان الله يا عجابة الناس صح الي
تخدم على روحها وتخمم دارولنا حتى وين نحطو الكاس أنتاع لاتاي

5/ واحد مقاول دخل للمسجد وقاعد يدعي في ربي: يا ربي 500 مليون نخلص بيها احوالي ومشاكلي والخدامة يا ربي فرج عليا يا ربي

جا قدامو واحد مسكين ماعندوش عشاء ليلة وقاعد يدعي في ربي: يا ربي 50 دينار نشري الخبز لأولادي يا ربي يا ربي

شاف فيه المقاول وقالو: اسمع هاك 50 دينار ونوض بركاك من النش ههههههههههه تحية للجميع